أضحكوا من قلوبكم
 قالوا ثورة الشعوب خلت الناس مكتئبة ومبقاش فى حد ليه نفس يضحك وأنا شايف أن الناس قبل الثورة وبعد الثورة هما هما متغيروش طول الوقت مكتئبين زى ما يكون الأكتئاب عامل مع الناس صفقة أن اكتر واحد هيعيش مكتئب فى حياته هياخد عربية هدية بسواقها ده لو الصفقة دى حقيقية برده نعيش ونضحك ونغيظ الكايدين عربية أيه وسواق أيه دى الضحكة دى بالدنيا ويا سلام لو ضحكنا وأسعدنا غيرنا هناخد ثواب ملهوش أول من أخر بس هقول لمين ومين هيسمعنى وهيهتم بكلامى ويعمل بيه هوا أنا يعنى بنصح علشان هاخد منكم فلوس ده أنا بنصح لله وأنتم كمان أنصحوا غيركم كفاياكم أكتئاب وأضحكوا من قلوبكم قبل فوات الأوان دى الضحكة حلوة ويا سلام لو خرجت الضحكة من قلوبنا بس بالله عليكم اللى ينصح خليه ينصح وهوا فرحان ومبسوط مش يبقا غبى لامؤاخذة وينصح وهوا مكتئب الواحد لما ينصح بشئ لازم يكون بيعمله علشان الناس تتقنع بيه وتسمع الكلام وهيا راضية ومرتاحة أن غيرها مبسوط وفرحان ويحسوا أن بجد الحياة رحلة ولازم نعيشها ونضحك طول ما أحنا عايشين حتى ولو تعبانين الضحكة مالها ومال ظروف حياتنا الضحكة حاجة ومصاعب الحياة وهمومها حاجة بلاش ندخل كل حاجة فى بعضها كده علشان منتعبش ونكره حياتنا ونيجى فى يوم أعوذ بالله نلعن اليوم اللى أتولدنا فيه بلاش يا ناس توصلوا للمرحلة دى أحنا بشر عندنا عقل ربنا وهبنا بيه علشان نفكر بيه مش علشان نلغيه أستحلفكم بالله العظيم لتتضحكوا كلكم كده على بعضكم وتنسوا حاجة أسمها أكتئاب وأضحكوا من قلوبكم ومتنسوش تفتكرونى بدعوة حلوة من قلوبكم وكفاية عليا دعوة هنية بحسن الختام والسلام عليكم ورحمة الله وبركاته والسلام ختام يا ناس يا حلوين ويارب حسن الختام لكل مسلم ومسلمة فى شتى بقاع الأرض بقلم أخوكم فى الله nourislamna@Gmail.com |
No comments:
Post a Comment